Os ydych yn derbyn pensiwn gan Gronfa Bensiwn Gwynedd ac yn derbyn swydd gan gyflogwr nad yw'n cymryd rhan yng Nghynllun Pensiwn Llywodraeth Leol (CPLlL), ni fydd unrhyw newid i'ch pensiwn, a bydd yn cael ei dalu i chi bob mis fel arfer.
Ond, os ydych yn derbyn swydd gyda chyflogwr sy’n cymryd rhan yn y CPLlL, ac wedi ymddeol ar sail iechyd haen 1 neu 2 (neu wedi ymddeol ar sail salawch cyn Ebrill 2008) neu wedi derbyn blynyddoedd ychwanegol o ganlyniad i ymddeol ar sail diswyddo efallai y caiff eich buddiannau pensiwn eu heffeithio, os ydych yn penderfynu ailymuno â'r cynllun neu beidio.
Yn gyfreithiol, mae’n rhaid i chi:
- Hysbysu eich cyflogwr newydd eich bod yn derbyn pensiwn CPLlL.
- Hysbysu Cronfa Bensiwn Gwynedd yn ysgrifenedig eich bod wedi cael eich ail-gyflogi gan gyflogwr sy’n cymryd rhan yn y CPLlL.
Gall eich pensiwn gael ei leihau neu ei atal os bydd cyflog eich swydd newydd yn fwy nac uchafswm yr hyn yr ydych yn medru ei ennill.
Cysylltwch â ni os hoffwch fwy o wybodaeth.